Biblioteca do IES María Casares

  O 12 de xuño 2026, ante diem XVIII Kalendas Iulias, na Sala de pofesores do IES María Casares tivemos un ágape, ἀγάπη, un pequeno aperitivo para acompañar á nosa administrativa, que pronto mudará de lugar de traballo. Dende a Biblioteca queremos mandarlle todo o noso cariño e o noso agradecemento pola súa axuda incondicional. Xa sabedes: Reme isto, o outro, hai que validar o dos voluntarios da biblio… o cotiá nos nosos quefaceres. Dende o corazón do centro queremos desexarte o mellor alá onde vaias, pois ben merecido o tés!!! Grazas, Reme!!!  

  Os días 3 e 5 de xuño tivemos a visita que fan o novo alumnado, os alumnos de 6º do CEIP  Isidro Parga Pondal e do CEIP Luis Seoane. A finalidade é que coñezan o instituto e afronten con máis tranquilidade o paso á unha nova etapa escolar. Entre outras visitas, participaron dun periplo á biblioteca e tivemos simulacións de xogadas de xadrez no exterior. Benvidos!!

Nos últimos días chegaron á biblioteca algunhas novidades que poden ser unha agradable lectura para o verán. Aquí tedes algunhas delas. Bo verán e boas lecturas!! Andrea é unha adolescente brillante e carismática. A súa familia é como tantas. Con todo, algúns sucesos empezan a romper o seu mundo e a percepción de si mesma. Andrea escurécese, apágase sen que ninguén o note. A súa irmá maior e as súas amigas Sofía e Luna únense para intentar atopar unha explicación ao incomprensible. Analizan os seus diarios. E o caderno negro, que esconde as cousas que non lle contaba nin á súa sombra. Sabela e Martiño non imaxinaban que unha simple mañá de limpeza na praia os levaría a unha das aventuras máis marabillosas da súa vida. Seguindo pistas, mergúllanse na Biblioteca Provincial da Coruña. En O misterio do cuarto amarelo, Gaston Leroux aborda un dos temas cla ́ sicos do ge ́ nero polici ́ aco : o enigma do crime cometido nun recinto pechado. No entanto, a medida que avanza a accio ́ n da...

  O pasado xoves 14 de maio, con motivo do Día das Letras Galegas, levamos a cabo no centro unha xincana literaria. Esta xirou arredor da vida e obra da autora homenaxeada este ano, Begoña Caamaño. O alumnado de 4º da ESO pasou por cinco estacións con cadansúa proba (ortográfíca, biográfíca, literaria etc.) para así poder chegar ao cofre final onde atoparían a recompensa. Os diferentes grupos mostráronse moi participativos e coñecedores das relacións da escritora coa literatura universal, especialmente coas figuras de Circe e Morgana. 

  Os gañadores do VI Campionato de Xadrez do IES María Casares recibiron, de mans de Baldomero Martínez, coordinador da biblioteca e profesor de Grego, os seus diplomas e un agasallo que consistiu nun vale para mercar libros e material escolar na libraría Bolboreta. Os alumnos  Jorge Castro Salazar e   Micael Salvador Rey López   foron os gañadores na modalidade de ESO e  Daniel Barro Pardellas  e  Manuel Pérez Lestón  na categoría de Bacharelato. MOITÍSIMOS PARABÉNS, RAPAZADA!!

  Como ven sendo tradicional, a biblioteca escolar celebra o Día do Libro cun mercado de venta de libros de segunda man . A recadación será doada a unha asociación da contorna. Agradecemos ás alumnas Marina López Núñez e Paula Gómez Lage, de 1º de Bacharelato C, a súa excelente labor como vendedoras. Esperamos a vosa colaboración!!!

  Na facultade de filoloxía da USC de Santiago de Compostela estivo presente o IES María Casares co seu alumnado de grego e latín facendo o mellor que sabemos facer, loitar polas clásicas. Tanto o 17 de abril como o día 6 de marzo, dous dos nosos aguerridos estudantes de grego e latín, Lucía Pomar Núñez e Alfonso Miguel Díaz Gómez, enfrontáronse as probas de tradución do Certamen Ciceronianum e a Proba Parnaso 2026 organizadas pola Sociedad de Estudios Clásicos con máis valentía que o propio Cornelio Escipión en Zama e sen esaxerar semellantes ao propio Alexandro en Gaugamela. Que os deuses lles sexan propicios!!!  

 Na final da VI edición do Campionato de Xadrez utilizamos o taboleiro xigante no  exterior do noso centro. Foi un escenario incrible, que deixo unha lucida final do nivel do noso IES e despois dunha semana e pico, na que os participantes despregaron todas as súas habilidades xadrecistiñas, chegamos a o final desta edición e só destacar a amabilidade e ben estar dos participantes que ademais manexaron as súas destrezas neste xogo milenario. Os alumnos que disputaron a gran final foron: Jorge Castro Salazar e Micael Salvador Rey López, na categoría de ESO, e Daniel Barro Pardellas e Manuel Pérez Lestón na categoría de Bacharelato. Proclamáronse campións: Jorge Castro Salazar (3ºESO) Daniel Barro Pardellas (1º Bacharelato) Moitos parabéns aos campións por esta merecida vitoria!!