Biblioteca do IES María Casares

  Este ano os actos de celebración do Entroido estiveron moi concorridos. Foron moitos os alumnos e as alumnas que viñeron disfrazados dos temas máis diversos. Polos corredores atopamos personaxes de A volta ao mundo en 80 días , das series Peaky Blinders e Anatomía de Gray, de   Men in Black, de Toy Story, de Mario Bross, cos monos vermellos de A casa de papel, de Harry Potter, surferos, moteros, pitufos, superheroes, Mickey e Minnie Mouse e un longo etcétera. Os profesores tamén participaron constituíndo un grupo que parecía sacado directamente dos alegres anos 20.    Na imaxe podedes ver a todos os participantes posando para a posteridade.

Hoxe os alumnos de 1º de Bacharelato, grazas as Bibliotecas Municipais do Concello de Oleiros, tiveron o pracer de escoitar á poeta Yolanda Castaño   nun   espectáculo poético-musical no que combinou a música, a imaxe e a palabra cunha sensibilidade que poucas veces temos a posibilidade de contemplar.

      A celebración do 14 de febreiro veu este ano acompañada da poesía. Un grupo de alumnas de Literatura escribiu e ilustrou poemas de amor en todas as linguas que se imparten no instituto. O resultado do seu traballo expúxose no vestíbulo para que todos os interesados puidesen ler estes fermosísimos poemas.

    Durante uns días tivemos a oportunidade de gozar na biblioteca cunha interesante exposición de cultura portuguesa organizada por Xavier Rodo, profesor de Portugués. Libros, películas e música estiveron a disposición de todo o alumnado e os profesores para coñecer un pouco máis a cultura do país veciño. Nas imaxes podedes ver parte do material exposto. 

  Este ano a celebración do Día da Paz correu por conta dos grupos de 1º e 2º de ESO que, previa petición da biblioteca, debuxaron as súas mans nas horas do titoría. Coa colaboración dos titores e dos alumnos, “tendemos” moitas mans para simbolizar a unión de todos na loita pola PAZ.   Ademais, aproveitando que os alumnos de Relixión realizaran uns preciosos murais, os rodeamos de mans de cores.   Moitas grazas a todos os participantes.