Biblioteca do IES María Casares

  Un grupo de alumnos de 3º ESO participou nun encontro co director de cine, guionista e produtor Ignacio Vilar sobre Aura 1964, guión cinematográfico publicado pola Editorial Galaxia. Os alumnos, que previamente leran o guión, conversaron con Ignacio Vilar dos aspectos que máis lles chamaran a atención e cos que máis se identificaban da vida e o comportamento do protagonista. Ignacio Vilar lles falou tamén de cine, dos seus proxectos e da vida en xeral.

  Este ano celebramos o Día das Letras, que conmemora a figura de Francisco Fernández del Riego, cunha exposición de carteis elaborados pola Real Academia Galega. Tamén podedes ver e ler   a obra de teatro As cousas de don Paco, da escritora   Eva Mejuto e a ilustradora Lucía Cobo, protagonizada polos obxectos que acompañaron ao homenaxeado en distintas etapas da súa vida.   

  Os gañadores do III Campionato de Xadrez recibiron os seus diplomas e un agasallo que consistiu nun vale para mercar   libros e material escolar na libraría Mar de Letras. MOITOS PARABÉNS!!

  Esta semana celebramos a segunda edición da Feira do Libro coa finalidade de recadar fondos a beneficio da Cociña Económica de A Coruña. Un grupo de alumnos de 1º e 2º de ESO convertéronse en vendedores por uns días. Moitas grazas a todos polo voso fantástico traballo. 

Hoxe, a Biblioteca Escolar e o Departamento de Lingua castelá e Literatura conmemoramos o  Día do Libro cunha lectura continuada realizada polos alumnos de 1º ESO. Agradecemos a todos os voluntarios a súa boa disposición.   

  Hoxe aproveitamos para falar de literatura con Xurxo Souto e polo tanto da vida, segundo nos conta el. Compartiu unha charla cos alumnos de 1º B de bacharelato onde, tras un curto percorrido da súa bibliografía sonora e escrita, respondeu ás preguntas dos noso alumnado. Isto deu pe para entrar na conversa da posta en valor da literatura e a súa presenza en todo o que facemos con agrado e coa finalidade de divertirnos. Contou a súa necesidade de recoller aquilo que está ante nosos ollos, coa finalidade que quede entre nós e isto levounos á música, ao canto, á letra, a crear un ambiente de conto diatónico e  punk,  coma el quixo deixar constancia, para rematar cunha canción grega, pero chea de aroma galego:  για σένα μαυρομάτα μου ναζιάρα μου μπομπίνα,   cada solpor a miña voz ten que cantar, meniña.    

  Na semana do 24 ao 28 de abril celebraremos unha Feira do libro solidaria. O importe recadado na venta dos libros doarase á Cociña Económica de A Coruña. Podedes deixar os libros que queirades doar nas caixas que están na entrada do instituto ou no carro que hai na biblioteca. Animádevos a participar por unha boa causa!!

  Na semana previa as vacacións de Semana Santa celebramos o Campionato de Xadrez, que xa vai pola súa terceira edición. A participación dos contendentes foi observada por numerosos seguidores que celebraban a vitoria dos seus compañeiros. Os participantes que xogaron a final foron: Categoría ESO: Martín Vasallo e Nicolás Alfonso Categoría Bacharelato: Sebastián López e Ángel Ortega Proclamáronse gañadores: NICOLÁS ALFONSO ÁNGEL ORTEGA Moitos parabéns!! A continuación, podedes ver algunhas fotos do campionato:   

  Fernando Domenech, o noso catedrático de Latín,   impartiu unha conferencia sobre Siluetas na area , libro de relatos de Isabelle Eberhardt. Fernando é autor da tradución ao galego, da introdución e da edición da obra. A conferencia foi seguida con grande interese por un nutrido grupo de alumnos e profesores. Parabéns, Fernando, por un traballo tan rigoroso.