CONCURSOS PARA CONMEMORAR O DÍA DA MULLER

 

O 8 de marzo celebramos o Día da Muller e reivindicamos a necesidade de lograr xa, dunha vez por todas, a igualdade. É o momento de recordar a loita de moitas mulleres ao longo da historia, enfrontándose a una sociedade que non lles daba o lugar que lles correspondía. Este ano  decidimos organizar dous concursos que premiarán o voso talento artístico e literario. Un é un concurso de deseño de marcapáxinas baixo o lema “Por ser muller”. Outro é un concurso de relatos co que queremos reivindicar a figura das mulleres que nos marcaron na nosa vida. Sempre recordamos nesta data as mulleres que destacaron nas ciencias e nas letras, pero agora  queremos que as protagonistas sexan as nosas nais, as nosas avoas ou as nosas veciñas, esas mulleres que están ao noso carón axudándonos sempre, que traballaron arreo para criar aos seus fillos ou que foron pioneiras en postos de traballo tradicionalmente masculinos.

Entregade os vosos traballos na biblioteca antes do 5 de marzo. Temos preparados agasallos sorpresa para todos os gañadores.