Como ven sendo tradicional, o EDLG e a Biblioteca Escolar convocan un concurso de relatos de terror para o Samaín. Animádevos a participar. Hai un fantástico premio para os gañadores!!!
O Entroido deste ano chegou cun cambio de localización por mor do mal tempo. A chuvia imposibilitou que se celebrara no tradicional espazo da pista. O pavillón serviu de refuxio a todos os participantes no desfile. A premisa foi utilizar a reciclaxe en todos os disfraces. Os grupos tiveron que mostrar a súa creatividade usando papel e cartón para elaborar os seus traxes. Os gañadores deste curso foron os alumnos de 2º ESO B, cunha comparsa denominada "Fórmula 1". O segundo premio foi para 3º ESO A, que recrearon a entrada das "celebrities" na gala MET. A continuación, podedes ver algunhas imaxes e vídeos do acto. Moitos parabéns aos gañadores!!
Un ano máis celebramos o Festival do Entroido. Os participantes sorprenderon polos seus disfraces e polas elaboradas coreografías e pequenas representacións que resultaron moi animadas. Parabéns a todos os participantes!! A continuación, podedes ver tres vídeos con imaxes do desfile das comparsas.
Os gañadores do V Campionato de Xadrez do IES María Casares recibiron, de mans de Baldomero Martínez, coordinador da biblioteca e profesor de Grego, os seus diplomas e un agasallo que consistiu nun vale para mercar libros e material escolar na libraría Mar de Letras. Os alumnos Daniel Barro Pardellas e Lucas Rafael de Oliveira Sá foron os gañadores na modalidade de ESO e Bacharelato respectivamente e os subcampións foron e Martín Lage Martínez na categoría de Bacharelato e Mario Barro Pardellas na categoría de ESO. MOITÍSIMOS PARABÉNS, RAPAZADA!! A continuación, podedes ver imaxes do momento de entrega de agasallos.
Comentarios
Publicar un comentario