Biblioteca do IES María Casares

  O 8 de marzo celebramos o Día da Muller e reivindicamos a necesidade de lograr xa, dunha vez por todas, a igualdade. É o momento de recordar a loita de moitas mulleres ao longo da historia, enfrontándose a una sociedade que non lles daba o lugar que lles correspondía. Este ano   decidimos organizar dous concursos que premiarán o voso talento artístico e literario. Un é un concurso de deseño de marcapáxinas baixo o lema “Por ser muller”. Outro é un concurso de relatos co que queremos reivindicar a figura das mulleres que nos marcaron na nosa vida. Sempre recordamos nesta data as mulleres que destacaron nas ciencias e nas letras, pero agora   queremos que as protagonistas sexan as nosas nais, as nosas avoas ou as nosas veciñas, esas mulleres que están ao noso carón axudándonos sempre, que traballaron arreo para criar aos seus fillos ou que foron pioneiras en postos de traballo tradicionalmente masculinos. Entregade os vosos traballos na biblioteca antes do 5 de marzo. T...

  A celebración do Entroido en tempos de COVID   deixounos sen o tradicional desfile de comparsas. Non obstante, moitos alumnos e profesores mostráronse animosos e decididos a gozar da festa a pesar das estritas medidas de seguridade. Afortunadamente, o tempo acompañou ás máscaras e o sol luciu despois de moitos días de choiva.   O xurado, ao aire libre, observou con atención a saída de cada grupo. A tecnoloxía permitiu que o resto de alumnado e os profesores e profesoras seguisen o desfile en directo desde as aulas.   A experiencia mereceu a pena, pero esperemos que o próximo ano poidamos celebrar o Entroido todos xuntos, sen cámaras por medio e coa mesma alegría de sempre. 

  O Nadal e tempo de lecturas. Desde a biblioteca queremos recomendar algún títulos que veñen, en forma de estrelas, a iluminar a nosa vida. Na árbore de madeira que está a entrada do instituto tedes   algunhas suxestións. Son moitas as   lecturas que podedes atopar na biblioteca. Lembrade que, aínda que este curso está pechada como aula de estudio nos recreos, os libros seguen esperando que vaiades por eles e os levedes a vosa casa para encher o Nadal de aventuras, de medo, de amor ou de diversión. Os libros son tamén os protagonistas da orixinal árbore de Nadal que fixeron os membros do Club de letras. A montaxe foi laboriosa, pois tiveron que elixir os libros adecuados para darlle forma e organizalos, pero conseguiron que no María Casares teñamos unha verdadeira árbore da ciencia...e das letras. Bo Nadal!!!

  Unha das lacras da nosa sociedade é a violencia contra as mulleres. Ano tras ano centos de mulleres morren no mundo vítimas da violencia machista. Para mostrar a nosa solidariedade coas mulleres que sofren maltrato e a nosa repulsa ante calquera actitude violenta, fixemos un acto simbólico que consistiu en que os alumnos de 1º ESO, coa canción La puerta violeta de Rozalén de fondo, lanzaron globos de cor violeta que simbolizaban a todas as que perderon a vida ao longo do ano só por ser mulleres. Abaixo podedes ver algúns momentos do acto. 

  A literatura de terror é un xénero que busca asustar, causar nos lectores sentimentos de horror e medo. Que mellor momento do ano para coñecer aos máis importantes escritores deste tipo de literatura e os seus personaxes! Na biblioteca podedes atopar numerosos títulos para pasar unha terrorífica noite de Samaín. Agradecemos a Ariadna García (2º BAC B) o   debuxo do protagonista de O resplandor , no que captou todo o horror que produce o actor Jack Nicholson na famosísima película.

  Como este curso as visitas á biblioteca están moi limitadas, informaremos  das novidades nos taboleiros que están no primeiro andar. Ademais, tedes a vosa disposición exemplares de todos os libros de lectura fixados polos departamentos didácticos. 

Iniciamos un curso incerto e diferente. A distancia de seguridade que temos que manter impídenos abrir a biblioteca nos recreos para que podades estudar, buscar as vosas lecturas o xogar ao xadrez. Como sabedes, a nosa biblioteca ocupa un espazo moi reducido e as necesidades de espazo do centro fan que teña que usarse como aula para algúns grupos. Por todo iso, establecemos o seguinte  protocolo de seguridade: PROTOCOLO COVID NA BIBLIOTECA   USO DA BIBLIOTECA E MEDIDAS HIXIÉNICAS ADOPTADAS -         A biblioteca permanecerá pechada nos recreos. -         Algunhas horas utilizarase como aula. Os lugares que poidan ser ocupados estarán sinalados gardando a distancia de seguridade. -         Antes de abandonar a biblioteca, cada usuario deberá limpar o posto que ocupara. -         Os libros terán que pasar catro horas en corente...

  Para conmemorar o 8 de marzo, o IES María Casares quixo deixar constancia da importante labor realizada por moitas mulleres nos campos máis diversos. Para iso, o equipo da biblioteca coa colaboración dos alumnos do Club de Letras e dos departamentos de Física e Educación Física, que aportaron as listas de mulleres destacadas nos seus ámbitos, decorou as escaleiras do instituto cuns vinilos nos que aparecen os nomes de mulleres de todas as épocas que realizaron una labor importante no desenvolvemento da ciencia, das letras e do deporte ou que conseguiron, co seu traballo e exemplo, que as  galegas deran pasos a favor da igualdade e dos dereitos das mulleres.  En cada escalón figura unha breve biografía das mulleres nomeadas.    Ademais, nas columnas da entrada, puxéronse uns vinilos, deseñados por Ana López Gullón, profesora de Debuxo,  nos que deixamos patente o  desexo de que o noso centro sexa un ESPAZO LIBRE DE VIOLENCIA MACHISTA. ...