Biblioteca do IES María Casares

  Para conmemorar o Día do Libro neste ano tan convulso, pensamos en organizar unha actividade solidaria. Pedimos aos membros da comunidade educativa que doaran libros. A finalidade era dobre: recadar fondos para á axuda aos refuxiados ucraínos e darlle unha segunda vida aos libros. O resultado foi moi positivo. Queremos agradecer á axuda das alumnas de 1º ESO B e 1º de Bacharelato que colaboraron vendendo os libros e recollendo doazóns polo patio do instituto durante os recreos.  

 A pasada semana celebramos na biblioteca o II Campionato de Xadrez. A primeira edición tivo lugar no 2019 e, por mor da pandemia, tivemos que suspender a do 2020, que estaba convocada para poucos días despois de ter que confinarnos. Afortunadamente, como pouco a pouco volvemos a normalidade, retomamos o campionato que contou este ano con numerosos participantes. Os gañadores de cada categoría foron: 1ª CATEGORÍA: ALUMNADO DE ESO CAMPIÓN: Nicolás Alfonso López (2º ESO A) SUBCAMPIÓN: Martín Lage (2º ESO A) 2ª CATEGORÍA: ALUMNADO DE BACHARELATO CAMPIÓN: Juan Antonio Rilo (2º BAC A) SUBCAMPIÓN: Carmelo Toledo (2º BAC A) Nas seguintes fotos podedes ver algúns dos momentos do campionato.

Este Entroido recuperamos o tradicional desfile de comparsas. Todos os grupos participaron representando  personaxes de series e películas, desde os superheroes ás princesas Disney pasando por Grease, Euphoria, Peaky Blinders e moitos máis. Os presentadores foron os alumnos de 2º de Bacharelato. Alumnas de 1º de Bacharelato montaron un posto onde mercar unha variedade de deliciosas lambetadas. Tamén tivemos a oportunidade de desfrutar da música con Martín Otero e Jorge Areal, alumnos de 2º de Bacharelato A. A continuación, podedes ver uns vídeos da actuación e do desfile.   

  Ante a proximidade do Entroido, colocamos no vestíbulo do centro  unha pequena mostra para dar a coñecer os distintos personaxes que celebran esta festa por toda Galicia.  

O 23 de febreiro celebramos a data de nacemento de Rosalía de Castro. Este é o primeiro ano que o Día de Rosalía celébrase o 23 en lugar do 24. A causa deste cambio é o descubrimento do expediente matrimonial de Rosalía e Manuel Murguía no que figura unha declaración da nai da escritora na que indica que a autora naceu o día 23, sendo o 24 a data do seu bautismo. Para conmemorar esta data, organizamos una exposición sobre a figura de Rosalía e a súa relevancia na sociedade actual. Ademais, os alumnos puideron participar nun concurso no que tiñan que recoñecer as distintas linguas nas que está traducido o poema “Adiós ríos, adiós fontes”. 

 Os alumnos de 4º ESO e 1º de Bacharelato decoraron, baixo a supervisión de Olalla Rodríguez, profesora de Educación Plástica, a nosa orixinalísima árbore de Nadal BO NADAL

Os gañadores do concurso de relatos de terror organizado polo  Equipo de  Dinamización da Lingua Galega e pola biblioteca  escolar son os seguintes: Categoría 1º ciclo: León Núñez Méndez (1º ESO B) Categoría 2º ciclo: Alejandro Dosío Arias (4º ESO D) Categoría Bacharelato: Nerea Rodríguez Vázquez (2º Bacharelato C) O agasallo consistiu nun vale para mercar libros e material escolar nunha librería da localidade. A continuación, podedes ler os relatos premiados. Moitas grazas a todos os participantes e parabéns aos gañadores.    C O RRE Me levanté y fui hacia la habitación de Amelia. La llamé, y aunque se escuchaba una especie de ronquido ahogado y supuse que estaría dormida, entré. Grité, encima del cuerpo noqueado de Amelia había una figura encorvada con un cuchillo en la mano. No llegué lo suficientemente pronto para que no hundiera el arma en la barriga de mi hermana. Esa cosa se irguió, dejando el cuchillo clavado, vale, por lo men...

  Baixo o lema “ Os trapos sucios xa non se lavan na casa ” conmemoramos o Día Internacional da Eliminación da Violencia contra a Muller. Con este acto queremos simbolizar a necesidade de denunciar o maltrato que seguen sufrindo moitas mulleres para que a violencia non quede agachada detrás dun silencio cómplice. Tantas camisetas colgando nos nosos tendais son a mostra de que cada vez somos máis os que rexeitamos a violencia e non  estamos dispostos a que quede impune.  No vídeo podedes disfrutar   da actuación coa que o coro do instituto, dirixido por Gracia Rodríguez Blanco, acompañou o acto.

  Novembro é o Mes da Ciencia en Galego e, para demostralo, escollemos un recuncho do vestíbulo para expoñer todos os títulos que temos na nosa biblioteca que tratan sobre temas científicos e están escritos en galego. Todos os que esteades interesados na súa lectura podedes pasar por a biblioteca.