Biblioteca do IES María Casares

  Nos idus de xaneiro, dentro dos sagrados muros da biblioteca do IES María Casares, os, νεοφίτοι, alumnos de cultura clásica e grego tiveron que enfrontarse aos sibilinos enigmas da nosa particular esfinxe tebana, que trouxo innumerables desasosegos para os nosos participantes, que resolveron heroicamente, como Edipo a entrada de Tebas, coa finalidade de levar a un bo porto este trirreme, que regresaba das llanuras de Troya. Moitas gracias e felicitacións a todos os nosos alumnos participantes. εὐχαριστότατοί τοὺς πάντας.

Brais Lamela, un vagabundo errante, cosmopolita buscador dun fogar, deste xeito definíase ante o auditorio da biblioteca do IES María Casares o creador da novela  Ninguén queda  (2022) polo que foi galardoado co premio da Crítica Galega de Narrativa 2022 e premio El Ojo Crítico de Narrativa 2023 .  Na charla coloquio dirixida polo noso compañeiro Fernado Domènech Rey, Brais deixouse levar polo seu espírito viaxeiro e fomos desde a Terra Chá aos xardíns da universidade de Yale, onde ten iniciado o seu doutoramento en literatura, despois de formarse en literatura comparada e historia nas universidades de Cambridge e Brown. Fixo un gran fincapé na aprendizaxe das linguas, incluso revelounos que leva catro anos estudando quechua, ademais do galego, castelán e inglés, sen deixar de facer referencias as linguas clásicas. A rapazada fixo un repaso da súa a temática a través das súas preguntas e xunto as intervencións do moderador fixo desa mañá unha velada moi amena y enriqueced...

  Este martes, 21 de novembro de 2023, os alumnos de Cultura Clásica e Latín da ESO fixeron unha incursión a territorio romana coa visita ao xacemento de Cambre, onde tiveron unha primeira aproximación a unha domus romana e a como vivían os romanos asentados nesta zona,  descubriron as  letrinae  e moitas outras cousas. Desde aí avanzamos dous parasangas e chegamos ao Castro de Elviña, onde descubrimos a sociedade castrexa, dominadora de Brigantium.  Estamos feitos uns castrexos!!!  

Hoxe tivemos o pracer de recibir a visita de tres destacados artistas: Alfonso Costa, Isabel Pintado e Eva Veiga.   Alfonso Costa e Isabel Pintado falaron do proceso de creación das obras que forman parte da exposición que realizaron como homenaxe á figura de María Casares. Eva Veiga leu algúns dos seus poemas e conversou sobre a creatividade. Abaixo podedes ver algunhas imaxes dos participantes e dos asistentes, alumnos de 2º e de 1º de Bacharelato.  

  Hoxe conmemoramos o Día Internacional da Eliminación da Violencia contra a Muller cun acto simbólico no que participaron os alumnos de 2º ESO. Consistiu no derrubamento dun muro no que os alumnos escribiran mensaxes degradantes que seguimos escoitando as mulleres no noso día a día. Os alumnos Oliver Siso Pazos e Pedro Gómez González leron un manifesto e un poema de Mario Benedetti.

  Nesta entrada podedes escoitar un podcast sobre a figura da actriz María Casares.  https://www.ondacero.es/programas/la-rosa-de-los-vientos/audios-podcast/mujeres-con-historia/mujeres-alma-actriz-maria-casares_2023010963bbe6171697300001a0fb25.html 010963bbe6171697300001a0fb25.html

  O noso catedrático de Latín, Fernando Domenech, deu unha interesante charla sobre a actriz que da nome ao noso centro,  María Casares,  aos alumnos de 4º ESO, 1º e 2º de Bacharelato. Facendo alarde da súa capacidade de comunicador, conseguiu aumentar o interese dos alumnos na figura da admirada actriz. 

 Os gañadores do concurso de relatos de terror, organizado polo ENDL e a biblioteca escolar, son: Daniela Mariño Rodríguez (2º ESO C) Abel García Rodríguez (4º ESO A) Moitos parabens aos dous!!!! Nas fotos podedes ver o momento da entrega dos agasallos, que  consistiron nuns vales para mercar libros ou material escolar nunha  librería da localidade.  

  E chegou o Samaín, e con el a nosa arrepiante selección da literatura de terror que podedes atopar na biblioteca. Se queredes pasar medo, non deixedes de vir pola BIBLIOTECA.