Biblioteca do IES María Casares

Nos últimos días recibimos na biblioteca moitas novidades que podedes levar para gozar da lectura durante as vacacións de verán. Estes son algúns dos títulos:   Madialeva  é o primeiro título da colección ‘Mulleres Ilustradoras’, que propón banda deseñada con perspectiva de xénero. Quen foron as mulleres galegas que cosían a roupa que conquistou o mundo? Que soños gardaron os emigrantes que deixaron a aldea na procura de prosperidade? Unha novela gráfica sobre as voces baixas da nosa historia recente. Unha das primeiras correspondentes de guerra foi galega, tamén unha das primeiras navegantes, escritoras ou directoras dun xornal. Estes libros falan de mulleres que conseguiron vencer as barreiras impostas ao seu xénero e dar os primeiros pasos por vieiros transitados ata ese momento só por homes. Mulleres reais e diversas que no seu día foron pioneiras en diferentes ámbitos e cuxas historias merecen ser coñecidas e postas en valor. Dende os polos aos trópicos, por desertos e montañ

Os grupos de 3º ESO D e 1º Bacharelato C foron os gañadores do concurso de "Portas literarias" organizado para celebrar o Día das Letras. Os alumnos de 3º ESO D dedicaron a súa colorida porta a Vicente Risco e os de 1º C a catro autores novos: María Lado, Lucía Aldao, Yolanda Castaño e Daniel Salgado.  Este é o resultado do seu traballo:   Os gañadores disfrutaron dun almorzo saudable e recibiron un agasallo. Na primeira imaxe vemos ao grupo de 1º de Bacharelato C e, na segunda, a 3º ESO C. 

  Este curso conmemoramos o Día das Letras Galegas cun concurso ao que chamamos “Portas literarias”. Cada grupo decorou a porta da súa aula para homenaxear a un autor destacado das nosas letras. Os resultados foron, en moitos casos, sorprendentes polo traballo e pola   orixinalidade. Parabéns a todos os grupos!!!

Este ano decidimos dedicar o Día do Libro a una escritora da que conmemoramos o centenario da súa morte: Emilia Pardo Bazán. A autora coruñesa, unha das grandes representantes da literatura do século XIX, faleceu no ano 1991 aos 70 anos. Por iso, montamos, na entrada do instituto e no primeiro andar, unha pequena exposición sobre a súa vida, o seu tempo e a súa obra.  Ademais, nas clases de Lingua castelá de case todos os cursos léronse algún relatos da autora que destacou polas súas ideas, avanzadas para a súa época, sobre os dereitos das mulleres.    

  Despois dunha longa deliberación, o xurado do Concurso de marcapáxinas elixiu aos gañadores. Non foi una decisión fácil dado o nivel mostrado polos participantes. O primeiro premio foi para Paula Elizalde Romero (3º ESO D) e o segundo posto foi compartido por Celsa García Touza (3º ESO B) e Andrea Barreiro Pereira (3º ESO B). Parabéns!!! Paula Elizalde Romero (3º ESO D) Celsa García Touza (3º ESO B)       Andrea Barreiro Pereira (3º ESO B)  

       As alumnas Antía Zaera Solleiro (2º BAC B) e Lucía Fernández Otero (1º BAC C) elaboraron estes fermosos carteis nos que explican as razóns polas que o 8 de marzo foi escollido como Día Internacional da Muller e os motivos polos que a cor morada é o símbolo    do apoio ás mulleres.  

            Esta é a proposta para a celebración do Día da Muller neste curso tan atípico. Estades todos invitados a participar! 

  O 8 de marzo celebramos o Día da Muller e reivindicamos a necesidade de lograr xa, dunha vez por todas, a igualdade. É o momento de recordar a loita de moitas mulleres ao longo da historia, enfrontándose a una sociedade que non lles daba o lugar que lles correspondía. Este ano   decidimos organizar dous concursos que premiarán o voso talento artístico e literario. Un é un concurso de deseño de marcapáxinas baixo o lema “Por ser muller”. Outro é un concurso de relatos co que queremos reivindicar a figura das mulleres que nos marcaron na nosa vida. Sempre recordamos nesta data as mulleres que destacaron nas ciencias e nas letras, pero agora   queremos que as protagonistas sexan as nosas nais, as nosas avoas ou as nosas veciñas, esas mulleres que están ao noso carón axudándonos sempre, que traballaron arreo para criar aos seus fillos ou que foron pioneiras en postos de traballo tradicionalmente masculinos. Entregade os vosos traballos na biblioteca antes do 5 de marzo. Temos preparado

  A celebración do Entroido en tempos de COVID   deixounos sen o tradicional desfile de comparsas. Non obstante, moitos alumnos e profesores mostráronse animosos e decididos a gozar da festa a pesar das estritas medidas de seguridade. Afortunadamente, o tempo acompañou ás máscaras e o sol luciu despois de moitos días de choiva.   O xurado, ao aire libre, observou con atención a saída de cada grupo. A tecnoloxía permitiu que o resto de alumnado e os profesores e profesoras seguisen o desfile en directo desde as aulas.   A experiencia mereceu a pena, pero esperemos que o próximo ano poidamos celebrar o Entroido todos xuntos, sen cámaras por medio e coa mesma alegría de sempre.